రాజ రాజేశ్వరులకునలభ్యమైన
సదమ లామూల్య తారకా సదృశ దివ్య
మణి విరాజిత కళ్యాణ మకుట రాజ
మిడితి నామస్తకాన వహించుకొనగ
నేలపై పొరలించి పాదాలమెట్టి
యకట గిరవాటు వైచి యాశాంతములకు
పేదనై పోయి ఎట్లు జీవింతునోయి?

-------దేవులపల్లి----------------

వస్త్ర సంపదయన్న వైముఖ్యమదియేల?
చిత్రసీమ గూర్చి  చెప్పెనగునె
నిండుకప్పుకున్న మెండగు మర్యాద
శేష శైలవాస శ్రీనివాస..

లైకులందు ఎన్ని  లౌక్యమ్ములుండునో
ఆడువారినడుగ అర్ధమగును
ఇష్టపడుటయన్న కష్టపెట్టుట గాదు
శేష శైలవాస శ్రీనివాస..

భక్తిభావమంత బారులై ప్రవహింప
చెంతజేరినాము చింతవీడ
మెడనుబట్టినెట్ట మేదిన బడితిమి
శేషశైలవాస శ్రీనివాస!!